ഇടവേള ...
സങ്കടങ്ങളില്ലാത്ത ബാല്യത്തിന്റെ
നിഷ്കളങ്കമായ കുതൂഹലങ്ങള്ക്കും ,
പൊട്ടിച്ചിരികള്ക്കും ശേഷം ..
ഉലയാത്ത മരച്ചില്ലകളും,
കാറ്റു വീശുന്ന ഉള്ളറകളുള്ള
വത്സല ഹൃദയവും കൊതിച്ച പക്ഷിക്കുഞ്ഞ് ....!
പിന്നീട് ...
കാന്സര് ബാധിച്ച ബന്ധങ്ങള്ക്കും ,
കാറ്റു കടക്കാതെ കൊട്ടിയടച്ച ഹൃദയങ്ങള്ക്കുമിടയില് ,
ശ്വാസം മുട്ടി ..,മരിച്ചുപോവാന് കൊതിച്ച മനസ്സ് ..!
പിന്നെയെപ്പോഴോ ..
രക്ഷപെടലിനായ് ഉഴറി ,കുതറി ,
പൊയ് ചിറകുകള് വെച്ചു പിടിപ്പിച്ച്
പൊങ്ങിപ്പറന്ന് അഹങ്കരിച്ച അറിവില്ലായ്മകള് ...!
ഒടുവില്....
കാപട്യങ്ങളുടെ തിരിച്ചറിവില്..
നൊമ്പരങ്ങളില്..
ആത്മ താപം കരിയിച്ച ചിറകുകളും ,
മുഖം തകര്ന്നു വീണ മനസ്സുമായി ..
ആഴ്ന്നു പോയ നീണ്ട മൗനങ്ങളും....!
ഒടുവില്..ഒക്കെയും ഒരു ചിറയായ്
പൊട്ടിത്തകര്ന്നൊഴുകും വരെ ..
അമ്മയുടെ വാത്സല്യ ചൂടിലേക്ക്
മടങ്ങിയെത്തി ആശ്വസിച്ച പക്ഷിക്കുഞ്ഞ് ,
തിരിച്ചറിവിനായി നഷ്ടപ്പെടുത്തിയ നീണ്ട കാലങ്ങളെ
ഞാന് , ഇടവേളയെന്നു വിളിക്കട്ടെ.......!!
No comments:
Post a Comment