ഒഴുക്കിനൊത്ത് ശവ ശരീരങ്ങളും നീന്തും..ചെറു കാറ്റിലും കരിയിലകൾ പൊഴിയും.ഒഴുക്കിനെതിരെ നീന്താൻ ,കൊടുങ്കാറ്റിലും ഉലയാതിരിക്കാൻ ജീവനുള്ളവയ്ക്കേ കഴിയൂ....!!ജീവനുള്ളവയ്ക്ക് മാത്രം...!!!!!
നോഹയുടെ പേടകം
അധാർമ്മികതയുടെ പ്രളയജലം
ദുനിയാവ് വിഴുങ്ങുന്നു ...
മനസ്സാക്ഷി കുത്തിയൊലിച്ചു
മനുഷ്യത്വം ,ചെളികുടിച്ചു വയറുപൊട്ടിയും,
മസ്തിഷ്കങ്ങൾ ചേറു നിറഞ്ഞു -
തലച്ചോറു പൊട്ടിയും ചാകുന്നു..!
മരണമല്ല.., ചാവ് തന്നെ .....!!!
ഉള്ളിലൊരു പേടകം പണിതീർക്കുക ....!
സത്യവിശ്വാസത്തിൻറെ പലകകൾ -
ഇച്ച്ചാശക്തിയാൽ ആണിയുറപ്പിച്ച്,
ലക്ഷ്യബോധത്തിൻറെ തിരിതെളിയിച്ചു -
ഒഴുക്കിനെതിരെ തുഴഞ്ഞു കയറാൻ....!
പൊട്ടോളം നന്മയാകിലും ,
കിട്ടുന്നതൊക്കെയും ശേഖരിച്ചോളുക ....!
മാനം കാട്ടാത്ത മയിൽപ്പീലിത്തുണ്ടു പോലെ ..
ഒളിപ്പിച്ചു വെയ്ക്കാം പേടകത്തിനുള്ളിൽ..!
ധർമ്മച്യുതിയുടെ ദുർഗന്ധമേല്ക്കാതെ,
ഉള്ളിലിരുന്നവ പെറ്റുപെരുകട്ടെ..!
അങ്ങു കിഴക്കേ ചക്രവാളത്തിൽ ..
നന്മകളുടെ സൂര്യോദയം ,
ചുവപ്പു രാശിയണിയുന്നുണ്ട് ...
അവിടേക്കു തുഴഞ്ഞെത്തുക നാം ....!!!
thank you dear radhika..........
ReplyDelete