ഭാവബോധകനായ പരദേശി ......

ഭാവബോധകനായ  പരദേശി ......

''SOULFUL SOJOURN''

[പ്രിയ കൂട്ടുകാരി രാധികാ ലക്ഷ്മി യുടെ കവിത മൊഴിമാറ്റം ചെയ്തത് ]

Courtesy ; Radhika Lekshmi R.Nair.  [aswinradhika.blogspot.in] 

ഉത്കൃഷ്ടമായവ  എന്നേക്കും നിലനില്ക്കുന്നില്ല...

കൂരിരുളിലും പ്രശോഭിക്കുന്നത് അവൻ മാത്രമാണ് ...!

അർത്ഥനകളിൽ  അഭയം പ്രാപിക്കുന്നത്, 

അവനിൽ മാത്രം...!

അതിൻറെ പാരമ്യം ,

ഉപരി ലോകത്ത് നിന്നും കോരിച്ചൊരിയപ്പെടുന്ന- 

അനുഗ്രഹങ്ങളാണ് ....!

പുഞ്ചിരികളുടെ ,പൊട്ടിച്ചിരികളുടെ, 

കണ്ണുനീരിൻറെ  സമൃദ്ധിയാൽ -

വിശിഷ്ടമാക്കപ്പെട്ട  കോടാനുകോടി  നിമിഷങ്ങൾ ..!

നിരർത്ഥക  സങ്കൽപ്പങ്ങൾ  ചമയ്ക്കുന്ന മരീചികകൾ ...

അഗാധ ഹൃദയ വാഞ്ചകളുടെ, നീളം നിലയ്ക്കാത്ത ചരടുമായി .

മടുപ്പിക്കുന്ന ഈ ഇടത്താവളത്തിലുടനീളം ,

പരാജിതനായ  പരദേശി ,

വേദനിക്കുന്ന ആത്മാവുമായി ,തേടൽ തുടരുന്നു...

അവനിൽ നിന്ന് മാത്രം ലഭിക്കുന്ന 

വിശിഷ്ടമായൊരനുഗ്രഹത്തിനായി...! 

നീണ്ട ഒരു ഉച്ചമയക്കം പോലെ ,

ശ്രേഷ്ഠമായ  എന്തോ ഒന്നിൽ- 

വിചിത്രമായ വിഭ്രാന്തികളുടെ പിൻതുടർച്ചകളാണ് 

എപ്പോഴും അവശേഷിക്കുന്നത് ...!

വ്യക്തി നിഷ്ഠമായ നിർവൃതികൾ    ..!

സാമൂഹികമായ  അംഗീകാരങ്ങൾ..!,ആദരങ്ങൾ..!

പ്രതിച്ഹായകളുടെ   തെളിനീർക്കുളം ..

ചിന്തകളുടെ ജലാശയം ..

സ്ഫടികം പോലെ തെളിഞ്ഞതും ,

പട്ടു പോലെ മൃദുവാർന്നതും ..

പുതു പൈതലിൻറെ  പുഞ്ചിരി പോലെ -

കളങ്കമറ്റതുമായ മനസ്സുമായി,

പൂർണ്ണവും ,ഉത്കൃഷ്ട വുമായ ആ പരിപൂർണ്ണ വൈശിഷ്ട്യത്തെ 

കാത്തും കൊതിച്ചും ..

വിധിയെ നേരിടുവാൻ മാത്രമായ് ....

N.B; 

പ്രിയ രാധിക ..,
കടിച്ചാൽ പൊട്ടാത്ത ഈ കൊട്ടത്തേങ്ങ ചവച്ചരച്ചു മധുര നീര് എടുക്കാൻ സാമാന്യ ജനം ഇത്തിരി ബുദ്ധി മുട്ടും!
എനിക്കും പൂർണമായി പിടി കിട്ടിയോ എന്ന് സംശയം .
എനിക്ക് മനസ്സിലായത്‌ പോസ്റ്റുന്നു ....ഭീകരമാണെങ്കിൽ ക്ഷമിക്കണേ ....[മുൻ‌കൂർ ജാമ്യം]