ഇനിയൊളിക്കട്ടെ...

മിണ്ടി മിണ്ടി,യൊരുപാടു മിണ്ടി
നൊന്തു കീറിയ പാട്ടിൻ വരികളിൽ..,
ചുണ്ടിലൂറി മധുരമായൊഴുകി,
വിണ്ടു പോയ പ്രിയപദങ്ങളിൽ..,
നെഞ്ചിലൂടെയൊഴുകുന്ന കാട്ടാറിൻ കുഞ്ഞലകളിൽ..,
ഇനിയൊളിക്കട്ടെ,
മിണ്ടാതിരിക്കട്ടെ..,
ഇരുൾ കനക്കുന്ന ശൂന്യസ്ഥലികളിൽ.., മൗനമുറഞ്ഞൊരെൻ
ഹൃത്താം മണ്‍വീണയിൽ,
ത്തുളുമ്പുന്ന നിശബ്ദസംഗീതം മാത്രമായ് ,
ഞാനുമെന്റെ തേങ്ങലും ...!
ഇനിയൊരിക്കൽ നിന്നുയിരിൽ നിന്നു-
റവെടുക്കുന്ന നാദവീചിയാ,
യുണരുവോളവും,
ഞാനിനിയുറങ്ങട്ടെ...!